ఈ జనరేషన్ స్టార్ హీరోలైన రామ్ చరణ్, ఎన్టీయార్ కలిసి ‘ఆర్ఆర్ఆర్’ అనే ఓ భారీ బడ్జెట్ చిత్రంలో నటించి బ్లాక్ బస్టర్ హిట్ కొట్టడమే కాకుండా.. తెలుగు సినిమా ఖ్యాతిని ప్రపంచం నలుమూలలా విస్తరించేలా చేశారు.

ఇక, సీనియర్ హీరోలైన మెగాస్టార్ చిరంజీవి, బాలయ్య కాంబినేషన్‌లో ఆ ముచ్చట కోసం కొందరు ఎదురు చూస్తున్నారు. అంతెందుకు మెగాస్టార్ చిరంజీవే స్వయంగా బాలయ్యతో కలిసి నటించాలనుందని తన మనసులో మాటను ఇటీవల ఓ కార్యక్రమంలో బయట పెట్టిన సంగతి తెలిసిందే.

అయితే, అందుకోసం ఓ డైరెక్టర్ రంగం సిద్ధం చేస్తున్నట్లు తెలుస్తోంది. ఆయన మరెవరో కాదు, బోయపాటి శీను. ఈయన ప్రస్తుతం బాలకృష్ణతో ‘అఖండ 2’ తెరకెక్కిస్తున్న సంగతి తెలిసిందే.

ఈ సినిమా ఇటీవలే పూజా కార్యక్రమాలతో లాంఛనంగా స్టార్ట్ అయ్యింది. త్వరలోనే చిరు, బాలయ్య కాంబినేషన్‌కి బోయపాటి కథ సిద్ధం చేయబోతున్నారనీ ఇన్‌సైడ్ సోర్సెస్ ద్వారా అందుతోన్న సమాచారం.

ఏమో కాలం కలిసొస్తే, బాలయ్య ‘అఖండ 2’లోనే చిరంజీవిని గెస్ట్ రోల్‌లో చూపించేసినా చూపించేస్తాడు బోయపాటి శీను. ఆ గుడ్ టైమ్ కోసం వెయిట్ అండ్ సీ.!