‘ఫ్యామిలీ స్టార్’ సినిమా తర్వాత రౌడీ స్టార్ విజయ్ దేవరకొండ, గౌతమ్ తిన్ననూరి దర్శకత్వంలో ఓ సినిమా చేస్తున్న సంగతి తెలిసిందే.

ఈ సినిమా కోసం తొలిసారిగా పోలీస్ పాత్రలో కనిపించబోతున్నాడు విజయ్ దేవరకొండ. ‘మిస్టర్ బచ్చన్’ ఫేమ్ భాగ్యశ్రీ బోర్సే ఈ సినిమాలో హీరోయిన్‌గా నటిస్తోంది.

ఇంతవరకూ ఈ సినిమా కేరళలో షూటింగ్ జరుపుకుంది. అక్కడ కొన్ని కీలకమైన యాక్షన్ ఘట్టాలతో పాటూ, కొన్ని పాటలు కూడా చిత్రీకరించినట్లు తెలుస్తోంది.

లేటెస్ట్‌గా కేరళ షూటింగ్ పూర్తి చేసుకుంది విజయ్ దేవరకొండ అండ్ టీమ్. దీంతో దాదాపు 90 శాతం షూటింగ్ పూర్తయినట్లు సమాచారం.

మిగిలిన భాగం హైద్రాబాద్, వైజాగ్ లోకల్ పరిసరాల్లో చిత్రీకరించేందుకు ప్లాన్ చేస్తున్నారట. వచ్చే నెలలో అందుకు ఏర్పాట్లు చేయనున్నారనీ తెలుస్తోంది. 2025లో ఈ సినిమాని ప్రేక్షకుల ముందుకు తీసుకొచ్చేందుకు సన్నాహాలు చేస్తున్నారు.