వెండితెరపై నందమూరి నటసింహంగా ఎన్నో విజయాలను చవి చూసిన బాలకృష్ణ ఫస్ట్ టైమ్ హోస్ట్‌గా బుల్లితెరపైనా సత్తా చాటారు అన్‌స్టాపబుల్ రియాల్టీ షో ద్వారా.

మూడు సీజన్స్ సక్సెస్‌ఫుల్‌గా నడిపించిన ఈ షో ద్వారా బాలయ్య తనలోని డిఫరెంట్ యాంగిల్‌ని బయటికి తీసే అవకాశం కుదిరింది. అలాగే, పవన్ కళ్యాణ్ తదితర స్టార్ హీరోలతో బాలయ్య చేసిన ఈ ప్రొగ్రామ్ మరింత ప్రజాదరణ పొందింది.

ఇక, ఇప్పుడు లేటెస్ట్ సీజన్ (అన్ స్టాపబుల్ 4) స్టార్ట్ అయ్యింది. అక్టోబర్ 1న తొలి సెలబ్రిటీ షూట్ జరగబోతోంది. అయితే, ఫస్ట్ షోలో భాగంగా ఏపీ సీఎం, నారా చంద్రబాబు నాయుడు గారు హాజరు కానున్నారు.

అన్నపూర్ణ స్టూడియోలో వేసిన ప్రత్యేక సెట్‌లో ఈ షో నిర్వహించడం జరుగుతుంది. ప్రముఖ ఓటీటీ ఛానల్ ఆహా వేదికగా ఈ ప్రోగ్రామ్ స్ట్రీమింగ్ కానున్న సంగతి తెలిసిందే.

అయితే, ఓటీటీలో ఎప్పుడు స్ట్రీమింగ్ అవుతుందో ఇంకా క్లారిటీ రావల్సి వుంది. మరోవైపు బాలయ్య తన 109వ చిత్రంతోనూ బిజీగా వున్నారు. బాబీ దర్శకత్వంలో ఈ సినిమా తెరకెక్కుతోంది. అలాగే, ఇటీవలే బోయపాటి శీను దర్శకత్వంలో ‘అఖండ 2’ చిత్రాన్ని లాంఛనంగా ప్రారంభించిన సంగతి తెలిసిందే.