మస్కట్: ఒమాన్‌లో బంగారం ధరలు రికార్డు స్థాయికి చేరుకున్నాయి. గత ఆరు నెలలుగా ఒమాన్లో బంగారం ధరలు పెరుగుతూ వస్తున్నాయి. ఈ పెరుగుదల వెనుక అనేక కారణాలు ఉన్నాయి.  ప్రస్తుతం, అంతర్జాతీయ మార్కెట్లో బంగారం ధరలు పెరుగుతున్నాయి. ముఖ్యంగా, పండుగల సీజన్‌లో బంగారం కొనుగోళ్లు పెరగడం వల్ల డిమాండ్ కూడా పెరుగుతోంది. ఈ కారణంగా, ఒమాన్‌లో కూడా బంగారం ధరలు గణనీయంగా పెరిగాయి.

ఒమాన్‌లో ప్రస్తుతం 24 క్యారెట్ల బంగారం గ్రాము ధర 34.650OMR చేరుకుంది. 22 క్యారెట్ల బంగారం గ్రాము ధర RO32.550, 18 క్యారెట్ల బంగారం గ్రాము ధర RO25.550 పెరిగింది. ఈ ధరలు మరింత పెరిగే అవకాశం ఉందని నిపుణులు భావిస్తున్నారు.

ఇక, ప్రపంచవ్యాప్తంగా ఉన్న ఆర్థిక అనిశ్చితి కూడా బంగారం ధరల పెరుగుదలకు కారణం. భౌగోళిక రాజకీయ ఉద్రిక్తతలు, అమెరికా వంటి దేశాల్లో వడ్డీ రేట్లు తగ్గించడం వంటి అంశాలు బంగారం ధరలను ప్రభావితం చేస్తున్నాయి.

ఈ పరిస్థితుల్లో, బంగారం కొనుగోలు చేయడం సురక్షితమైన పెట్టుబడిగా భావిస్తున్నారు. భవిష్యత్తులో ధరలు మరింత పెరిగే అవకాశం ఉన్నందున, ప్రజలు బంగారాన్ని కొనుగోలు చేయడానికి ఆసక్తి చూపుతున్నారు.

--వేణు పెరుమాళ్ల(మాగల్ఫ్ ప్రతినిధి)