శ్రీ నిధి శెట్టి.. ఈ పేరుకు పరిచయం అక్కర్లేదు. వరల్డ్ సెన్సేషనల్ మూవీ ‘కేజీఎఫ్’లో నటించిన ఈ ముద్దుగుమ్మ అప్పట్లో సూపర్ సెన్సేషనల్.

అయితే, ఆ సెన్సేషన్‌ని శ్రీనిధి శెట్టి క్యాష్ చేసుకోలేకపోయిందెందుకో. కేవలం ‘కేజీఎఫ్’ రెండు సినిమాలతోనే ఈ ముద్దుగుమ్మకి ఆ తరహా క్రేజ్ దక్కింది.

ఆ తర్వాత ‘తమిళంలో విక్రమ్ సరసన ‘కోబ్రా’ సినిమాలో నటించింది కానీ, ఆ సినిమా ఆశించిన విజయం దక్కలేదు. కన్నడలో ‘కేజీఎఫ్’ తర్వాత మరో అవకాశం కూడా దక్కించుకోలేదు శ్రీనిధి శెట్టి.

దాంతో ‘కేజీఎఫ్’ బ్యూటీగానే సెటిలైపోయిందంతే. కానీ, ఇప్పుడు టాలీవుడ్‌లో అడుగు పెట్టబోతోంది. ‘తెలుసు కదా’ సినిమాతో డెబ్యూ చేస్తోంది తెలుగులో శ్రీనిధి శెట్టి.

సిద్దు జొన్నలగడ్డ హీరోగా రూపొందుతోన్న ఈ సినిమా ప్రస్తుతం షూటింగ్ జరుపుకుంటోంది. అలాగే, నేచురల్ స్టార్ నాని హీరోగా రూపొందుతోన్న ‘హిట్ 3’లోనూ శ్రీ నిధి శెట్టి నటిస్తోంది.

ఈ రెండు సినిమాలూ ఆమెకు డైరెక్ట్ తెలుగు సినిమాలు. రీసెంట్‌గా ఆమె పుట్టినరోజు సందర్భంగా ఈ రెండు సినిమాల నుంచీ శ్రీ నిధి శెట్టి పోస్టర్లు రిలీజ్ చేసి మేకర్లు ప్రత్యేకంగా విషెస్ అందించారు. చూడాలి మరి, తెలుగులోనైనా శ్రీ నిధి శెట్టి నిలదొక్కుకుంటుందో లేదో.!