మక్కా:  మక్కాలోని సౌదీ రెడ్ క్రెసెంట్ అథారిటీ (SRCA) అంబులెన్స్ బృందాలు సకాలంలో స్పందించి ఓ వ్యక్తి ప్రాణాలను రక్షించారు. గ్రాండ్ మసీదు వద్ద గుండెపోటుకు గురైన 50 ఏళ్ల ఒక పాకిస్తానీ ఉమ్రా యాత్రికుడిని విజయవంతంగా ప్రాణాలతో కాపాడారు. కింగ్ ఫహద్ వాక్‌వే వద్ద అపస్మారక స్థితిలో ఉన్న వ్యక్తి గురించిన సమాచారం అందగానే..అంబులెన్స్ బృందాలు వెంటనే సంఘటనా స్థలానికి చేరుకున్నాయి.  గ్రాండ్ మసీదులో అందుబాటులో ఉన్న డీఫిబ్రిలేటర్ (AED)ని ఉపయోగించి, వెంటనే "LUCAS" పరికరాన్ని ఉపయోగించి కార్డియోపల్మోనరీ రెససిటేషన్ (CPR)ని ప్రారంభించారు. అనంతరం మెరుగైన చికిత్స కోసం సమీపంలోని హాస్పిటల్ కు తరలించారు.