మనామా: ఇద్దరు ఆసియా మహిళల్ని వ్యభిచారంలోకి దింపడంతోపాటు వారిలో ఒకరిపై లైంగిక దాడికి పాల్పడినందుకు ఓ ఆసియా వ్యక్తికి హైకోర్టు 10 ఏళ్ల జైలు శిక్ష విధించింది. బహ్రెయిన్‌లోని ఆసియాకు చెందిన ఓ దేశ రాయబార కార్యాలయం నుండి వచ్చిన నివేదిక ఆధారంగా దర్యాప్తును ప్రారంభించారు. ఒక మహిళను జుఫైర్ అపార్ట్‌మెంట్‌లో బందీగా ఉంచి వ్యభిచారంలోకి దింపినట్టు నివేదిక అందగా,  బహ్రెయిన్ పోలీసులు అనుమానితుడిని పట్టుకున్నారు. ఇద్దరు మహిళలను రక్షించారు. ఉపాధి పేరుతో ఇద్దరు మహిళలను బహ్రెయిన్‌కు తీసుకొచ్చినట్టు నిందితుడు విచారణలో ఒప్పుకున్నాడు.