హైదరాబాద్: హైదరాబాద్‌లో లోక్ మంథన్ 2024 అంతర్జాతీయ సాంస్కృతిక ఉత్సవం ఈరోజు ఎంతో వైభవంగా ప్రారంభమైంది.ఈ ఉత్సవాన్ని భారత మాజీ ఉపరాష్ట్రపతి వెంకయ్య నాయుడు మరియు మంత్రి జూపల్లి కృష్ణారావు ఎగ్జిబిషన్‌ను ప్రారంభించారు. ఈ ఉత్సవం నవంబర్ 21 నుండి 24 వరకు హైదరాబాద్‌లోని శిల్పారామంలో జరుగుతుంది. నాలుగు రోజుల పాటు జరిగే లోక్ మంథన్ 2024 అంతర్జాతీయ సాంస్కృతిక ఉత్సవంలో రేపు భారత రాష్ట్రపతి ద్రౌపది ముర్ము  పాల్గొంటారు. ఈ ఉత్సవం ప్రధాన లక్ష్యం భారతీయ జానపద సాంస్కృతిక సంపదను ప్రపంచానికి పరిచయం చేయడం.

ఈ ఉత్సవంలో వివిధ దేశాల నుండి వచ్చే సాంస్కృతిక ప్రతినిధులు, కళాకారులు పాల్గొంటారు. ఉత్సవంలో నృత్యాలు, సంగీత ప్రదర్శనలు, కళా ప్రదర్శనలు, సాంస్కృతిక చర్చలు వంటి అనేక కార్యక్రమాలు ఉంటాయి. ఈ ఉత్సవం ద్వారా వివిధ దేశాల సాంస్కృతిక సంపదను పరిచయం చేయడం, సాంస్కృతిక మార్పిడి జరగడం ప్రధాన లక్ష్యం. ఈ ఉత్సవం ద్వారా ప్రజలు సాంస్కృతిక వైవిధ్యాన్ని ఆస్వాదించవచ్చు మరియు కొత్త విషయాలు తెలుసుకోవచ్చు.  మొత్తం మీద హైదరాబాదులో అంతర్జాతీయ స్థాయిలో జరిగే లోక్ మంథన్ 2024 ఒక సాంస్కృతిక పండుగగా నిలుస్తుంది. 

--వేణు పెరుమాళ్ల(మాగల్ఫ్ ప్రతినిధి)