మస్కట్: సెంట్రల్ బ్యాంక్ ఆఫ్ సుల్తానేట్ ఆఫ్ ఒమన్ (CBO) జాతీయ కరెన్సీ నిర్దిష్ట విలువలను రద్దు చేస్తున్నట్లు ప్రకటిస్తూ 2024,జనవరి 7న ఒక సర్క్యులర్‌ను జారీ చేసింది. ఈ డినామినేషన్‌లు చెలామణి నుండి ఉపసంహరించనున్నారు. డిసెంబర్ 31, 2024 తర్వాత కింది బ్యాంకు నోట్లు రద్దవుతాయి. 

1995 ఐదవ ఇష్యూ నుండి బ్యాంకు నోట్లు

2000 సవరించిన ఇష్యూ నుండి బ్యాంకు నోట్లు

2005 నాటి OMR 1 స్మారక నోటు

2010 నాటి OMR 20 స్మారక నోటు

2011, 2012 సవరించిన ఇష్యూ నుండి బ్యాంకు నోట్లు

2015 OMR 1 స్మారక నోటు.

2019 సవరించబడిన OMR 50 నోటు

సెంట్రల్ బ్యాంక్ ఆఫ్ ఒమన్ సుల్తానేట్‌ పరిధిలో ఉన్న అన్ని బ్యాంకులు ఈ విషయాన్ని గమనించాలని, సంబంధిత డినామినేషన్‌లను అంగీకరించాలని, వాటిని నిర్దిష్ట వ్యవధిలో ఆరవ ఇష్యూ నుండి బ్యాంక్ నోట్లతో మార్పిడి చేసి ఇవ్వాలని ఆదేశించింది.  అదేసమయంలో  ఒమన్‌లోని అన్ని సంస్థలు,  వాణిజ్య సంస్థలు ప్రజల నుండి ఈ డినామినేషన్‌లను అంగీకరించాలని, తరువాత వాటిని స్థానిక బ్యాంకులలో డిపాజిట్ చేయాలని కోరింది.