తమిళ సూపర్‌స్టార్ రజనీకాంత్ క్షేమంగా ఉన్నారని ఆయన సోదరుడు సత్యనారాయణ వెల్లడించారు. రజనీకాంత్ ఆరోగ్యం దెబ్బతినడానికి ఆయన సోదరుడు సత్యనారాయణే కారణమని తమిళనాడులో పలు చోట్ల పోస్టర్లు వెలిసిన విషయం తెలిసిందే. ఈ నేపథ్యంలో సత్యనారాయణ స్పందిస్తూ అన్నయ్య మెడికల్ టెస్ట్‌ల కోసం యూఎస్‌కు వెళ్లారు. కబాలి సినిమా రిలీజ్‌కు ముందే ఆయన యూఎస్ నుంచి తిరిగొస్తారని స్పష్టం చేశారు. అన్నయ్య ఇటీవలే యునెస్కో చారిత్రక ప్రదేశంలోని శివాలయంలో పూజలు చేశారని తెలిపారు. ప్రజలు, అభిమానులు ఆయనపై చూపిస్తున్న ప్రేమ, అభిమానానికి తమ కుటుంబం పట్ల ఎప్పటికీ రుణపడి ఉంటుందని తెలిపారు.