కొన్ని సినిమాలు రిలీజైన తర్వాత కలెక్షన్స్ లో దుమ్ము రేపితే... మరికొన్ని సినిమాలు మేకింగ్ లో ఉండగానే బిజెనెస్ బొనాంజా స్టార్టయి పీక్ కు వెళతాయి. జూనియర్ ఎన్టీఆర్ నటిస్తున్న జనతా గ్యారేజ్ ఇప్పుడు హై లెవెల్ లో బిజినెస్ చేస్తోంది. రిలీజ్ కు ముందే ఆ సినిమాకు 62 కోట్ల రూపాయల బిజినెస్ అయిందంటే మాటలు కాదు. దీన్ని బట్టి జూనియర్ మూవీకి ఎంత రేంజ్ ఉందో అర్థమవుతోంది.జనతా గ్యారేజ్ ప్రీ రిలీజ్ బిజినెస్ లో సెన్సేషన్ క్రియేట్ చేస్తోంది. నైజాంలో ప్రముఖ నిర్మాత, పంపిణీదారుడు దిల్ రాజ్ ఈ సినిమాను 15.3 కోట్ల రూపాయలకు తీసుకున్నాడు. సీడెడ్ లో కూడా జనతా గ్యారేజ్ బిజినెస్ స్పీడ్ గానే ఉంది. అక్కడ 9 కోట్ల బిజినెస్ అయింది. ఇక నెల్లూరుకు 2.34 కోట్లు, గుంటూరుకు 4.65 కోట్లు, కృష్ణాకు 3.5 కోట్లు, తూర్పు గోదావరి 4.5 కోట్లు, పశ్చిమ గోదావరి 3.5 కోట్లు బిజినెస్ జరిగినట్టు సమాచారం. ఇక ఉత్తరాంధ్ర 5.12 కోట్లు, కర్ణాటకలో 7.02 కోట్లు, ఇండియాలో ఒక కోటి, ఓవర్సీస్ లో 7.25 కోట్ల రూపాయల బిజినెస్ అయింది. ఈ బిజినెస్ రేంజ్ చూసిన వారు ఆశ్చర్యపోతున్నారు. ప్రముఖ మలయాళీ నటుడు మోహన్ లాల్ ఒక ముఖ్యపాత్రలో నటించే ఈ సినిమాలో సమంత , నిత్యామీనన్ హీరోయిన్స్. కొరటాల శివ దర్శకుడు. ఆగస్ట్ 12న ఈ సినిమాను రిలీజ్ చేయడానికి సన్నాహాలు చేస్తున్నారు.