ఆది కథానాయకుడిగా రూపుదిద్దుకుంటున్న 'చుట్టాలబ్బాయి' చిత్రం ఆడియో విడుదల వేడుకను జులై 16న నిర్వహించనున్నారు. ఈ విషయాన్ని ఆది తన ట్విట్టర్‌ ఖాతా ద్వారా తెలుపుతూ పీఆర్వో ట్వీట్‌ను రీట్వీట్‌ చేశారు. వీరభద్రం చౌదరి దర్శకత్వం వహిస్తున్న ఈ చిత్రాన్ని ఎస్‌ఆర్‌టీ ఎంటర్‌టైన్‌మెంట్స్‌ పతాకంపై రామ్‌ తాళ్లూరి నిర్మిస్తున్నారు. ఈ చిత్రంలో ఆది సరసన నమితా ప్రమోద్‌ నటించారు. ఆది తండ్రి సాయికుమార్‌ ప్రత్యేక పాత్రను పోషించారు. ఇటీవల విడుదలైన ఈ చిత్రం టీజర్‌కు ప్రేక్షకుల నుంచి మంచి ఆదరణ లభించడంపై చిత్ర బృందం ఆనందం వ్యక్తం చేసింది. ఈ చిత్రంలో రఘుబాబు, పృథ్వి, వంశీకృష్ణ, అభిమన్యు సింగ్‌, షకలక శంకర్‌ తదితరులు ప్రధాన పాత్రల్లో నటించారు.