యూఏఈ: అబుదాబి పోలీస్ ట్రాఫిక్, పెట్రోల్ డైరెక్టరేట్ వాహనదారులను ఎట్టి పరిస్థితుల్లోనూ రహదారి మధ్యలో ఆపవద్దని కోరింది. వాహన దారుల భద్రత, ఇతర రహదారి వినియోగదారుల భద్రతను నిర్ధారించడానికి సమీపంలోని ఎగ్జిట్ కు వెళ్లాలని సూచించింది. తీవ్రమైన ప్రమాదాలను నివారించడానికి, ట్రాఫిక్ రద్దీని నివారించడానికి ఇది కీలకమని వెల్లడించింది.  “సేఫ్ రోడ్” ప్రచారంలో భాగంగా అబుదాబి పోలీసులు.. కంట్రోల్ అండ్ ఫాలో-అప్ సెంటర్‌తో కలిసి ఓ వీడియోను రిలీజ్ చేసింది.వీడియోలో మినీవ్యాన్ అకస్మాత్తుగా రోడ్డు మధ్యలో ఆగిపోవడం వల్ల ప్రమాదం జరిగింది. దీనికి సంబంధించిన వీడియోను సోషల్ మీడియాలో విడుదల చేసారు. రద్దీగా ఉండే రోడ్లపై ట్రాఫిక్ మధ్య వాహనంలో ఉన్నవారు కిందకు దిగి ప్రమాదకరంగా రోడ్డు దాటుతున్న దృశ్యాలు వీడియోలో కనిపించాయి.  కొద్ది సేపటికే  వేగంగా వస్తున్న కారు వ్యాన్ వెనుక భాగాన్ని ఢీకొట్టింది. అయితే, ప్రమాదం తప్పింది. డ్రైవింగ్ చేస్తున్నప్పుడు పూర్తిగా రోడ్డుపై దృష్టి పెట్టాలని సూచించింది.  

#فيديو | بثت #شرطة_أبوظبي ضمن حملة #درب_السلامة وبالتعاون مع مركز التحكم والمتابعة فيديو لحادث بسبب التوقف في وسط الطريق دون مبرر و #الانشغال_بغير_الطريق . pic.twitter.com/evFmPJzyoZ

— شرطة أبوظبي (@ADPoliceHQ) January 3, 2025