యూఏఈ: నిన్నటి వరకు భారతీయ అంబులెన్స్ నర్సు మను మోహనన్ తన మొత్తం కుటుంబం ఇంటికి వెళ్లడానికి టిక్కెట్లకు ఛార్జీలను సర్దుబాటుకు ఇబ్బందులు పడ్డాడు. కానీ శుక్రవారం సాయంత్రం, బహ్రెయిన్ నివాసి మను బిగ్ టిక్కెట్ డ్రాలో 30 మిలియన్ దిర్హామ్‌లను గెలుచుకోవడం ద్వారా జాక్‌పాట్‌ను కొట్టాడు. "హోస్ట్‌లు నాకు కాల్ చేసినప్పుడు, నేను లైవ్ డ్రాను చాలాసార్లు చూశాను కాబట్టి కాల్ నిజమైనదని నాకు తెలుసు. అయితే, నేను ఉత్సాహంగా లేను. నేను మొద్దుబారిపోయాను. నా మనస్సు ఇప్పటికీ దానిని నమ్మలేదు. నేను చాలా కష్టతరమైన జీవితాన్ని గడిపాను. కాబట్టి ఈ జాక్ పాట్ ఊహించనిది.’’ అని మను పేర్కొన్నారు.   

ఐదేళ్లుగా బిగ్ టికెట్ కోసం తానతోపాటు స్నేహితులు తమ అదృష్టాన్ని పరీక్షించుకుంటున్నారని మను చెప్పారు. "మాలో ఎవరూ నిజంగా టిక్కెట్‌ను కొనుగోలు చేసేంత ఆర్థిక స్థోమత లేదు. కానీ మేము మా ఖర్చులను తగ్గించుకుంటూ దీని కోసం డబ్బును కేటాయిస్తున్నాం." అని తెలిపారు.   “నన్ను ఒంటరిగా పెంచడానికి మా అమ్మ చాలా కష్టపడింది. ఒకానొక సమయంలో తన చదువు కోసం ఆమె ఇటుకలు మోసింది. మొదటగా నేను ఆమెకు ప్రశాంతమైన జీవితాన్ని ఇవ్వాలనుకుంటున్నాను.’’ అని పేర్కొన్నారు.