జెడ్డా: జెడ్డా ఇస్లామిక్ పోర్ట్ ద్వారా సౌదీ అరేబియాలో 1,482,132 క్యాప్‌గాన్ మాత్రలను అక్రమంగా తరలించే ప్రయత్నాన్ని జకాత్, పన్ను కస్టమ్స్ అథారిటీ (ZATCA) అడ్డుకుంది. లాండ్రీలో ఉపయోగించే పరికరాలలో మాత్రలను దాగి తరలిస్తున్నారని ZATCA వెల్లడించింది. అధునాతన కస్టమ్స్ తనిఖీ పద్ధతుల కారణంగా వాటిని గుర్తించినట్లు తెలిపారు. జనరల్ డైరెక్టరేట్ ఆఫ్ నార్కోటిక్స్ కంట్రోల్‌తో సమన్వయంతో ఈ ఆపరేషన్ విజయవంతం అయిందన్నారు.ఈ కేసుకు సంబంధించి పలువురిని అదుపులోకి తీసుకొని ప్రాసిక్యూషన్ కు తరలించినట్లు తెలిపారు. అనుమానాస్పద కార్యకలాపాల వివరాలను తెలిపి  స్మగ్లింగ్‌పై పోరాటానికి, జాతీయ ఆర్థిక వ్యవస్థను రక్షించడానికి ప్రజలను సహకరించాలని ZATCA ప్రజలను కోరింది. సమాచారం అందించిన వారి వివరాలను గోప్యంగా పెడతామని, కచ్చితమైన సమాచారం అందించినవారికి నగదు రివార్డులు అందిజేస్తామని తెలిపారు.