గాజాలో 15 నెలల యుద్ధాన్ని ముగించే లక్ష్యంతో కాల్పుల విరమణ ఒప్పందం ప్రకారం, దాదాపు 200 మంది పాలస్తీనా ఖైదీలను బదులుగా, పాలస్తీనా మిలిటెంట్ గ్రూప్ హమాస్ శనివారం నలుగురు మహిళా ఇజ్రాయెల్ సైనికులను విడుదల చేసింది. కరీనా అరివ్, డానియెలా గిల్బోవా, నామా లెవీ మరియు లిరి అల్బాగ్‌లను గాజాలోని రెడ్‌క్రాస్‌కు అప్పగించారు. అక్కడి నుండి వారిని ఇజ్రాయెల్ సైనిక దళాలకు అప్పగించారు. హమాస్ చేతిలో బందీగా ఉన్న అర్బెల్ యెహౌద్‌ను కూడా విడుదల చేయాల్సి ఉందని ప్రధాని బెంజమిన్ నెతన్యాహు పేర్కొన్నారు.ఆమెకు విముక్తి లభించే వరకు పాలస్తీనియన్లు ఉత్తర గాజాకు తిరిగి రావడాన్ని ఇజ్రాయెల్ అనుమతించదని అన్నారు.

ఇజ్రాయెల్ మరియు హమాస్ మధ్య జనవరి 19న కాల్పుల విరమణ ప్రారంభమైనప్పటి నుండి ఇది రెండో మార్పిడి. మొదటి మార్పిడిలో 90 మంది పాలస్తీనా ఖైదీలకు బదులుగా హమాస్ ముగ్గురు ఇజ్రాయెల్ పౌరులను అప్పగించింది. ఇజ్రాయెల్ లెక్కల ప్రకారం, మిలిటెంట్లు 1,200 మందిని చంపి, 250 మందికి పైగా బందీలను గాజాకు తిరిగి తీసుకువెళ్లారు.అప్పటి నుండి, గాజాలో 47,000 మందికి పైగా పాలస్తీనియన్లు చంపబడ్డారని అక్కడి ఆరోగ్య అధికారులు తెలిపారు.