మస్కట్: ఒమన్ సముద్ర తీరంలో 'జీఎఫ్ఎస్ గెలాక్సీ' (GFS Galaxy) నౌక ప్రమాదానికి గురైన ఘటనలో పది మంది భారతీయ సిబ్బందిని ఒమన్ అధికారులు సురక్షితంగా రక్షించారు. అయితే, మరో భారతీయ పౌరుడు గల్లంతైనట్లు మస్కట్‌లోని భారత రాయబార కార్యాలయం (Indian Embassy) వెల్లడించింది.

ఈ ప్రమాద సంఘటనపై తాము నిరంతరం నిఘా ఉంచామని, ఒమన్ అధికారులు, నౌక యాజమాన్యం మరియు ఇతర సంబంధిత వర్గాలతో నిరంతరం సంప్రదింపులు జరుపుతున్నామని ఎంబసీ ఎక్స్ (ట్విట్టర్) వేదికగా పేర్కొంది. ప్రమాద బాధితులకు అవసరమైన అన్ని రకాల సహాయ సహకారాలను అందిస్తున్నట్లు రాయబార కార్యాలయం స్పష్టం చేసింది. గల్లంతైన వ్యక్తి కోసం గాలింపు చర్యలు కొనసాగుతున్నాయని తెలిపింది.