రియాద్: నేషనల్ వాటర్ కంపెనీ (NWC) వాటర్, మురుగునీటి కనెక్షన్ల కోసం వాయిదాల చెల్లింపు కోసం ఒక కార్యక్రమాన్ని ప్రారంభించింది. నెలవారీ బిల్లుల కోసం వాయిదా చెల్లింపుల కోసం ఒక ప్రోగ్రామ్‌ను రూపొందించింది. కస్టమర్‌లకు సులభమైన పద్ధతిలో సేవలు అందజేయడంతోపాటు డిజిటల్ ఛానెల్‌ల ద్వారా వారికి ఉత్తమమైన సేవలను అందిస్తుందని వెల్లడించింది. కస్టమర్‌లు NWCతో డైరెక్ట్ ఇన్‌స్టాల్‌మెంట్‌ను లేదా బ్యాంక్ అల్జాజిరా, రియాద్ బ్యాంక్, అల్-అవ్వల్ బ్యాంక్, సౌదీ ఇన్వెస్ట్‌మెంట్ బ్యాంక్, ఎమిరేట్స్ NBD లేదా అల్-రాజీ బ్యాంక్‌తో అనుబంధించబడిన క్రెడిట్ కార్డ్‌ల ద్వారా వాయిదాలను ఎంచుకోవచ్చని తెలిపింది. నెలవారీ వాయిదా SR200 నుండి మొదలవుతుందని పేర్కొంది.