మానామా: గల్ఫ్ ఎయిర్ ప్రైవేటీకరణను బహ్రెయిన్ పార్లమెంట్ తిరస్కరించింది. ముంతాలకత్ కింద 51 శాతం వాటాను నిలుపుకుంటూ, గల్ఫ్ ఎయిర్ షేర్లలో కొంత భాగాన్ని ప్రైవేట్ రంగ పెట్టుబడిదారులకు విక్రయించే సాధ్యాసాధ్యాలను ప్రభుత్వం పరిశీలించాలని కోరుతూ ఎంపీ ఖలీద్ బునాక్ చేసిన ప్రతిపాదనను పార్లమెంటు తిరస్కరించింది. ఎయిర్‌లైన్‌కు ప్రభుత్వ రాయితీలను తగ్గించడం, దాని పనితీరును మెరుగుపరచడం, లాభదాయకతను పెంచడం వంటి ప్రతిపాదనను ఆమోదించడానికి ఆర్థిక వ్యవహారాల కమిటీ సిఫార్సును మెజారిటీ ఎంపీలు వ్యతిరేకించారు.

బహ్రెయిన్ ముంతాలకత్ హోల్డింగ్ కంపెనీకి చెందిన 51 శాతం యాజమాన్యాన్ని కొనసాగిస్తూనే, గల్ఫ్ ఎయిర్ షేర్లలో కొంత భాగాన్ని పెట్టుబడిదారులకు విక్రయించే అవకాశాలను అధ్యయనం చేయాలని ప్రభుత్వాన్ని కోరుతూ ఎంపీ ఖలీద్ బునాక్ సమర్పించిన ప్రతిపాదనను ఆమోదించాలని ఆర్థిక కమిటీ సిఫార్సు చేసింది. రాష్ట్ర బడ్జెట్‌లో గల్ఫ్ ఎయిర్‌కు కేటాయించిన ప్రభుత్వ ఆర్థిక సహాయాన్ని తగ్గించడం, ఎయిర్‌లైన్స్ బోర్డ్ ఆఫ్ డైరెక్టర్లు, ఎగ్జిక్యూటివ్ మేనేజ్‌మెంట్‌ను పునర్నిర్మించడం, కంపెనీ పనితీరు సామర్థ్యాన్ని మెరుగుపరచడం, లాభదాయకతను పెంచడం,  దాని అనుబంధ సంస్థలను ముందుకు తీసుకెళ్లడంతోపాటు బహ్రెయిన్ ఆర్థిక వృద్ధికి దోహదం చేయడం తన ప్రతిపాదన లక్ష్యమని ఎంపీ తెలిపారు.