యూఏఈ: మెరుగైన కొరియోగ్రఫీ, మెరుగైన లైటింగ్, సౌండ్ సిస్టమ్‌ను అందించడానికి సమగ్ర పునరుద్ధరణ కోసం దుబాయ్ ఫౌంటెన్ ఐదు నెలల పాటు మూసివేయనున్నట్లు ఎమ్మార్ ప్రాపర్టీస్ తెలిపింది. దుబాయ్ మాల్, బుర్జ్ ఖలీఫా సమీపంలో డౌన్‌టౌన్ దుబాయ్‌లో ఉన్న దుబాయ్ ఫౌంటెన్.. యూఏఈలోని అత్యంత ప్రసిద్ధ పర్యాటక ఆకర్షణలలో ఒకటిగా గుర్తింపు పొందింది. ప్రపంచవ్యాప్తంగా మిలియన్ల మంది ప్రతి సంవత్సరం ఫౌంటెన్‌ను వీక్షిస్తారు. యూఏఈలో అతిపెద్ద ప్రాపర్టీ డెవలపర్ అయిన ఎమ్మార్.. అప్‌గ్రేడ్ మేలో ప్రారంభమవుతుందని తెలిపింది. ఫౌంటెన్ తిరిగి వచ్చిన తర్వాత "మరింత అద్భుతంగా" ఉంటుందని, అప్డేట్ లు మెరుగైన ప్రదర్శనని సృష్టిస్తాయని ఎమ్మార్ వ్యవస్థాపకుడు మొహమ్మద్ అలబ్బర్ తెలిపారు.