దోహా, ఖతార్: ఈ వారాంతంలో సమద్రం అల్లకల్లోకంగా ఉంటుందని, బలమైన గాలులు వీస్తాయని ఖతార్ వాతావరణ విభాగం (QMD) అలెర్ట్ జారీ చేసింది.  తీరం వెంబడి స్థిరమైన బలమైన గాలి కారణంగా ఎత్తైన అలలు ఉంటాయని తెలిపింది.   ఆగ్నేయం నుండి దక్షిణ దిశగా గాలులు 12 నుండి 22 నాట్‌లకు చేరుకుంటాయని పేర్కొంది.  ఆకాశం పాక్షికంగా మేఘావృతం అయి, రాత్రి సమయంలో ఉష్ణోగ్రతలు తగ్గుతాయని తెలిపింది.  పగటిపూట గరిష్టంగా 25 డిగ్రీల సెల్సియస్ రాత్రికి 18 డిగ్రీల సెల్సియస్‌ వరకు ఉష్ణోగ్రతలు ఉంటాయని వెల్లడించింది. తీరం వెంట అలల ఎత్తు 3 నుండి 7 అడుగుల వరకు ఉంటుందని, కొన్ని సమయాల్లో అవి 11 అడుగులకు చేరుకునే అవకాశం ఉందని హెచ్చరించింది.  నివాసితులు, సందర్శకులు తమ ప్రయాణాలలో జాగ్రత్తగా ఉండాలని, ముఖ్యంగా సముద్ర కార్యకలాపాలలో పాల్గొనే వారు మరింత అప్రమత్తంగా ఉండాలని సూచించారు.