కువైట్: కువైట్ ఆరోగ్య మంత్రి డాక్టర్ అహ్మద్ అల్-అవధి మాదకద్రవ్యాలు, సైకోట్రోపిక్ పదార్థాలకు వ్యతిరేకంగా షెడ్యూల్‌లను అప్డేట్ చేయాలని ఉత్తర్వులు జారీ చేశారు. ఫార్మసీ మార్కెట్లను నియంత్రించడం, అటువంటి మెడిసిన్ దుర్వినియోగం చేయకుండా సమాజాన్ని రక్షించడం ఈ చర్యల లక్ష్యం అని మంత్రిత్వ శాఖ ఒక పత్రికా ప్రకటనలో తెలిపింది. మాదకద్రవ్యాలు, సైకోట్రోపిక్ పదార్థాలను తీసుకోవడంపై సెన్సార్‌షిప్‌ను పెంచే లక్ష్యంతో జరుగుతున్న ప్రయత్నాలకు ఈ డిక్రీలు అనుకూలంగా ఉన్నాయని అధికారులు తెలిపారు.

1983 నాటి లా నంబర్ 74లోని షెడ్యూల్ నంబర్ 1కి "ప్రోమెథాజైన్"ను యాడ్ చేశారు. 2025 నాటి నిర్ణయం నెం. 30లో "క్లోరోమెత్‌కాథినోన్, ఫ్లోరోడిస్క్లోరోకెటమైన్" వంటి కొన్ని అంశాలు మరియు వాటి ఉత్పన్నాలు చట్టం నెం. 45/1987లోని షెడ్యూల్ నెం. 2కి చేర్చారు. అత్యంత భద్రత , ప్రజారోగ్య ప్రమాణాలను సాధించేలా మాదకద్రవ్యాల నియంత్రణ చట్టాలు, నిబంధనలను అప్డేట్ చేసేందుకు మంత్రిత్వ శాఖ ఉత్తర్వులు జారీ చేసింది.