రియాద్: సౌదీ అరేబియాలోని చాలా ప్రాంతాలలో శుక్రవారం వరకు వర్షం పడే అవకాశం ఉన్నందున, పౌర రక్షణ ముందు జాగ్రత్త చర్యలు తీసుకోవాలని హెచ్చరించింది. సౌదీ అరేబియాలోని చాలా ప్రాంతాలకు జనరల్ డైరెక్టరేట్ ఆఫ్ సివిల్ డిఫెన్స్ వాతావరణ హెచ్చరిక జారీ చేసింది. మక్కా, రియాద్, మదీనా, తబుక్, హైల్, ఖాసిమ్, తూర్పు ప్రావిన్స్, ఉత్తర సరిహద్దులు, అల్-జౌఫ్, అల్-బహా, అసిర్ ప్రాంతాలలో శుక్రవారం వరకు మోస్తరు నుండి భారీ వర్షాలు కొనసాగే అవకాశం ఉందని వెల్లడించింది. నివాసితులు అవసరమైన జాగ్రత్తలు తీసుకోవాలని, లోయలు వంటి ఆకస్మిక వరదలకు గురయ్యే ప్రాంతాలకు దూరంగా ఉండాలని సూచించింది. వాటిలో ఈత కొట్టకుండా ఉండాలని కోరింది. అధికారిక ఛానెల్‌లు,  సోషల్ మీడియా ప్లాట్‌ఫారమ్‌ల ద్వారా తాజా వాతావరణ సమాచారాన్ని మాత్రమే ఫాలో కావాలని పిలుపునిచ్చింది.