కేంద్ర మంత్రివర్గ విస్తరణకు ముహుర్తం ఖరారైంది. మంగళవారం ఉదయం 11 గంటలకు కేబినెట్ విస్తరణ జరగనుంది. కేబినెట్ విస్తరణకు సంబంధించి రాష్ట్రపతి భవన్‌కు కూడా కేంద్రం సమాచారం ఇచ్చినట్లు తెలుస్తుంది. కొత్త మంత్రుల ప్రమాణస్వీకారానికి ఏర్పాట్లు జరుగుతున్నట్లు సమాచారం. ఇక కేబినెట్‌లో కొత్త ముఖాలకు చోటు కల్పించనున్నట్లు విశ్వసనీయ సమాచారం. ఇవాళ బీజేపీ కార్యాలయంలో జరిగే ఉన్నతస్థాయి సమావేశంలో కేబినెట్ విస్తరణపై చర్చించనున్నారు. ఉత్తరప్రదేశ్ శాసనసభ ఎన్నికల నేపథ్యంలో ఆ రాష్ట్రం నుంచి ఇద్దరిని మంత్రివర్గంలోకి తీసుకోనున్నట్లు తెలుస్తుంది. శివసేన నేతను కూడా కేబినెట్‌లోకి తీసుకోనున్నారు.