కువైట్ సిటీ: కువైట్ గగనతలాన్ని తిరిగి తెరుస్తున్నట్లు ప్రభుత్వం అధికారికంగా ప్రకటించిన నేపథ్యంలో, జజీరా ఎయిర్‌వేస్ ఏప్రిల్ 26 నుంచి నేరుగా విమాన సర్వీసులను పునరుద్ధరించనున్నట్లు వెల్లడించింది.

ఈ మేరకు జజీరా ఎయిర్‌వేస్ టెర్మినల్ నుంచి నేరుగా విమానాలు ప్రారంభం కానున్నాయి. ప్రస్తుతం దమ్మామ్ మీదుగా నడుస్తున్న ట్రాన్సిట్ విమానాలు యథావిధిగా కొనసాగుతున్నాయని సంస్థ తెలిపింది.

త్వరలోనే కువైట్ నుంచి నేరుగా ప్రయాణించే విమానాల పూర్తి జాబితా, సమయాలను ప్రకటిస్తామని జజీరా ఎయిర్‌వేస్ ప్రతినిధి సోషల్ మీడియా ద్వారా వెల్లడించారు. గగనతలం పునఃప్రారంభంతో ప్రయాణికులకు మరింత సౌకర్యం కలగనుందని భావిస్తున్నారు.