యూఏఈ: షార్జా ఎక్స్‌పో సెంటర్‌ లో 42వ ఎడిషన్ రమదాన్ నైట్స్ ప్రదర్శన ప్రారంభమైంది. విస్తృత శ్రేణి ఉత్పత్తులపై 80 శాతం వరకు భారీ తగ్గింపులకు ప్రకటించారు. బ్రాండెడ్ లగ్జరీ దుస్తులు, ఫుట్ వేర్ నుండి పెర్ఫ్యూమ్‌లు, ఉపకరణాలు, అబాయాలు, గృహోపకరణాలు , కిచెన్ సామాగ్రి వరకు, కొనుగోలుదారులు 5 దిర్హామ్‌ల నుండి ప్రారంభ ధరలతో ఎంపికలు అందుబాటులో ఉన్నాయి.

పలువురు కస్టమర్లు తగ్గింపు ధరలకు లగ్జరీ వస్తువులను చూసి వారు ఆశ్చర్యపోతున్నారు. "నేను ఇక్కడికి మంచి డీల్స్ ఆశించి వచ్చాను, కానీ ఇంత సరసమైన ధరలకు లగ్జరీ వస్తువులు దొరుకుతాయని నేను అనుకోలేదు" అని హమ్మద్ అన్నారు.

 మార్చి 30 వరకు జరిగే ఈ ప్రదర్శన షార్జా రమదాన్ ఫెస్టివల్ 35వ ఎడిషన్‌లో భాగం. ఇందులో 200 కంటే ఎక్కువ మంది ఎగ్జిబిటర్లు, 500 కంటే ఎక్కువ అంతర్జాతీయ, స్థానిక బ్రాండ్‌లు స్టాల్స్, డీల్స్ ఉన్నాయి. ప్రతిరోజూ సాయంత్రం 5 గంటల నుండి తెల్లవారుజామున 1 గంట వరకు తెరిచి ఉండే రమదాన్ నైట్స్ ప్రదర్శన, ప్రమోషనల్ ఆఫర్లు మరియు గణనీయమైన తగ్గింపులను సద్వినియోగం చేసుకోవడానికి ఆసక్తి ఉన్న కొనుగోలుదారులను ఆకర్షిస్తుంది.