దుబాయ్: ప్రభుత్వ ఉద్యోగులకు ఈద్ అల్ ఫితర్ సెలవులను దుబాయ్ ప్రకటించింది. ప్రభుత్వ రంగంలో పనిచేసే వారికి షవ్వాల్ 1 నుండి షవ్వాల్ 3, 1446 AH వరకు సెలవు ఉంటుందని తెలిపింది. అధికారిక పనులు షవ్వాల్ 4, 1446 AH న తిరిగి ప్రారంభమవుతాయని దుబాయ్ ప్రభుత్వ మానవ వనరుల విభాగం తెలిపింది.

అంతకుముందు, షార్జా కూడా ఈద్ అల్ ఫితర్ సెలవు తేదీలను ప్రకటించింది. ఇవి షవ్వాల్ 1 నుండి ప్రారంభమై షవ్వాల్ 3, 1446 AH వరకు కొనసాగుతాయని షార్జా ప్రభుత్వ మానవ వనరుల శాఖ తెలిపింది. షిఫ్ట్‌లలో పనిచేసే ఉద్యోగులు తప్ప, ప్రభుత్వ రంగానికి అధికారిక పనులు షవ్వాల్ 4, 1446 AH న తిరిగి ప్రారంభమవుతాయని పేర్కొంది.

చంద్రుని దర్శనాన్ని బట్టి, ఈద్ అల్ ఫితర్ మార్చి 30 ఆదివారం వస్తే, షార్జాలోని ప్రభుత్వ ఉద్యోగులకు ఏప్రిల్ 28 (శుక్రవారం) నుండి ఏప్రిల్ 1 (మంగళవారం) వరకు ఐదు రోజుల సెలవు లభిస్తుంది. మార్చి 31 (సోమవారం) పండుగ ప్రారంభమైతే, ఈ ఉద్యోగులకు మార్చి 28 (శుక్రవారం) నుండి ఏప్రిల్ 2 (బుధవారం) వరకు ఆరు రోజుల సుదీర్ఘ వారాంతపు సెలవు లభిస్తుంది.  

మరోవైపు యూఏఈలోచంద్రుని దర్శనం మార్చి 29న జరుగుతుంది. ఇస్లామిక్ నెలలు 29 లేదా 30 రోజులు ఉంటాయి. పవిత్ర రమదాన్ మాసం ముగింపును సూచిస్తూ షావాల్ 1న ఈద్ జరుపుకుంటారు.