కువైట్: పవిత్ర రమదాన్ మాసం చివరి కొన్ని రోజులు సమీపిస్తున్నందున ట్రాఫిక్‌ను నిర్వహించడానికి, కీలక సమయాల్లో రద్దీని నివారించడానికి అంతర్గత వ్యవహారాల మంత్రిత్వ శాఖ సన్నద్ధం అయింది. దానికి సంబంధించిన ప్రణాళికలను వెల్లడించింది.  మస్జీదుల చుట్టూ అదనపు గస్తీని పెంచడంతోపాటు భద్రతా సిబ్బందిని మోహరించింది. ప్రజలు పెద్ద ఎత్తున తరలివచ్చే మస్జీదుల చుట్టూ భద్రతాను కట్టుదిట్టం చేసినట్టు తెలిపారు. ఈ మేరకు భద్రతను పెంచిన విషయాన్ని తెలిపే వీడియో క్లిప్‌లను అంతర్గత వ్యవహారాల మంత్రిత్వ శాఖ తన X ప్లాట్‌ఫామ్ ఖాతాలో పోస్ట్ చేసింది.