మస్కట్: గల్ఫ్ సహకార మండలి (GCC) దేశాలు పీపుల్స్ రిపబ్లిక్ ఆఫ్ చైనా వస్తువులపై అదనపు సుంకాన్ని విధించాయి.జూన్ 8 నుండి ఐదు సంవత్సరాల కాలానికి అమలులోకి వచ్చే విధంగా 1,000 వోల్ట్‌లకు మించని విద్యుత్ వోల్టేజ్ కలిగిన విద్యుత్ పరికరాలు, స్విచ్‌ల దిగుమతులపై యాంటీ-డంపింగ్ సుంకాలను విధించాయని ఒమన్ వాణిజ్యం, పరిశ్రమ, పెట్టుబడి ప్రమోషన్ మంత్రిత్వ శాఖ ప్రకటించింది. గల్ఫ్ సహకార మండలి దేశాలలో హానికరమైన పద్ధతులను ఎదుర్కోవడానికి సాంకేతిక సచివాలయ కార్యాలయానికి గల్ఫ్ పరిశ్రమ సమర్పించిన ఫిర్యాదు ఆధారంగా ఈ నిర్ణయం తీసుకున్నట్లు వాణిజ్య మంత్రిత్వశాఖలోని నిషేధిత పద్ధతుల విభాగం డైరెక్టర్ ఖలీద్ బిన్ ఖామిస్ అల్ మస్రూరి ధృవీకరించారు. అంతర్జాతీయ వాణిజ్యంలో హానికరమైన పద్ధతుల నుండి గల్ఫ్ ఉత్పత్తులను రక్షించడం,  జాతీయ పరిశ్రమలకు న్యాయమైన పోటీ వాతావరణాన్ని నిర్ధారించడం ఈ నిర్ణయం లక్ష్యం అని ఆయన తెలిపారు.