రియాద్: సౌదీ అరేబియాలోని చాలా ప్రాంతాలలో భారీ వర్షాలు కురువనున్నాయి. రాబోయే మూడు రోజులపాటు (ఈ శుక్రవారంవరకు) పాటు భారీ వర్షాలు కురిసే అవకాశం ఉందని జనరల్ డైరెక్టరేట్ ఆఫ్ సివిల్ డిఫెన్స్ వెల్లడించింది.  ప్రజలు అత్యంత అప్రమత్తంగా , జాగ్రత్తగా ఉండాలని హెచ్చరిక జారీ చేసింది.  

డైరెక్టరేట్ ప్రకారం.. మక్కా, అల్-బహా, అసిర్, జాజాన్ ప్రాంతాలలో మోస్తరు నుండి భారీ వర్షాలు కురుస్తాయని, నజ్రాన్ ప్రాంతంలో మోస్తరు వర్షాలు కురుస్తాయని, మదీనా ప్రాంతంలో తేలికపాటి వర్షాలు కురుస్తాయని అంచనా వేశారు.

మక్కా ప్రాంతంలోని తైఫ్, మైసాన్, అధమ్, అల్-అర్దియత్ ప్రాంతాలలో మోస్తరు నుండి భారీ వర్షాలు కురుస్తాయని అంచనా వేశారు. మక్కా నగరం, అల్-జుముమ్, అల్-కామిల్, బహ్రాలో తేలికపాటి నుండి మోస్తరు వర్షాలు కురుస్తాయని వెల్లడించింది. 

అలాగే తూర్పు ప్రావిన్స్, రియాద్, నజ్రాన్, జజాన్, అసిర్, అల్-బహా, మక్కాలో వడగళ్ళు, ఉరుములతో కూడిన వర్షాలు కురుస్తాయని నేషనల్ సెంటర్ ఆఫ్ మెటియాలజీ (NCM) తెలిపింది.