టర్కీలో ఓ మిలిటరీ హెలికాప్టర్‌కూలిన ఘటనలో ఏడుగురు అధికారులు మృతిచెందారు. సికర్‌స్కైఎస్‌-70 హెలికాప్టర్‌లో మిలిటరీ అధికారులు, వారి కుటుంబసభ్యులు ప్రయాణిస్తున్నారు. హెలికాప్టర్‌ గైర్‌సన్‌ ప్రావిన్స్‌కి రాగానే కూలిపోయినట్లు అధికారులు బుధవారం వెల్లడించారు. వాతావరణం అనుకూలించకపోవడం వల్లే ఈ ప్రమాదం జరిగి ఉంటుందని భావిస్తున్నారు. ప్రమాదంలో ఏడుగురు మృతి చెందగా, మిగిలినవారు తీవ్రగాయాలతో బయటపడినట్లు వెల్లడించారు. సిబ్బంది ఘటనాస్థలికి చేరుకుని మృతదేహాలను వెలికితీశారు. క్షతగాత్రులను ఆసుపత్రికి తరలించి చికిత్స అందిస్తున్నారు. .