దోహా: డిస్నీ 75కి పైగా ఫేమస్ పాటలను కలిగి ఉన్న ‘ది మ్యాజిక్ బాక్స్’ ఖతార్ నేషనల్ కన్వెన్షన్ సెంటర్ (QNCC)లోని అల్ మయాస్సా థియేటర్‌లో ప్రారంభమైంది.  ఏప్రిల్ 12 వరకు జరిగే ఈ సంగీత ప్రదర్శన జరుగుతుంది.  ఆకట్టుకునే విజువల్ ఎఫెక్ట్‌ల ద్వారా ప్రాణం పోసుకున్న ఈ ప్రదర్శన ప్రేక్షకులను మంత్రముగ్ధులను చేస్తుంది.  ఈ ప్రదర్శన 90 నిమిషాల పాటు ఉంటుంది.  ది మ్యాజిక్ బాక్స్ వంటి అంతర్జాతీయంగా గుర్తింపు పొందిన నిర్మాణాలను నిర్వహించడం ద్వారా, విజిట్ ఖతార్ అసాధారణమైన సాంస్కృతిక, కుటుంబ-ఆధారిత అనుభవాలకు అగ్ర గమ్యస్థానంగా దోహా ఖ్యాతిని పెంచుతోందని డిస్నీ ది మ్యాజిక్ బాక్స్ సృజనాత్మక నిర్మాత, సహ రచయిత ఫెలిపే గంబా పరేడెస్ తెలిపారు.  2024 జనవరిలో అర్జెంటీనాలోని బ్యూనస్ ఎయిర్స్‌లో ప్రారంభమైన ఈ పర్యటన.. దోహాలో ఐదవ ప్రదర్శన నిర్వహిస్తున్నారు.  ఈ ప్రదర్శనను చూడాలనుకునే అభిమానులు వర్జిన్ మెగాస్టోర్ లేదా ఫీవర్ ద్వారా QR85 చెల్లించి టిక్కెట్లను కొనుగోలు చేయవచ్చు.