కువైట్: వ్యాపారాలు స్థానిక నిబంధనలను పాటిస్తున్నాయని నిర్ధారించుకోవడానికి కొనసాగుతున్న ప్రయత్నాలలో భాగంగా.. కువైట్ మునిసిపాలిటీ హవల్లి శాఖ 50 దుకాణాలలో తనిఖీలు చేశారు. వాటిలో నిబంధనలు ఉల్లంఘనకు పాల్పడిన 28 దుకాణాలకు నోటీసులు జారీ చేశారు. డిపార్ట్‌మెంట్ డైరెక్టర్ మహమ్మద్ అల్-సుబై ప్రకారం.. ఉల్లంఘనలలో ఇప్పటికే ఉన్న ప్రకటనల నిర్వహణ సరిగా లేకపోవడంతో ప్రకటన లైసెన్స్‌లను పునరుద్ధరించకపోవడం, అనుమతి లేకుండా ప్రకటనలు లేదా ప్రచార సంకేతాలను ఉంచడం ఉన్నాయి. జరిమానాలను నివారించడానికి అన్ని దుకాణ యజమానులు తమ వ్యాపారం,  ప్రకటన లైసెన్స్‌లను ఒకటికి రెండుసార్లు తనిఖీ చేసుకోవాలని అల్-సుబై గుర్తు చేశారు. మెరుగైన సమ్మతిని ప్రోత్సహించడానికి , ప్రజా ప్రయోజనాలను కాపాడటానికి కొత్త నిబంధనలు అమల్లోకి రానున్నాయని, భారీగా  జరిమానాలు విధిస్తామని పేర్కొన్నారు.