ఇంటర్నేషనల్‌ మీడియా ప్రొడక్షన్‌ జోన్‌లో ఏర్పాటు చేసిన కొత్త బారియర్స్‌తో, పార్కింగ్‌ స్లాట్స్‌ దొరక్క వాహనదారులు తీవ్ర ఇబ్బందులు ఎదుర్కొంటున్నారు. ఫ్రీ శాండీ పార్కింగ్‌, రెసిడెంట్స్‌కి కొన్నేళ్ళుగా అందుబాటులో ఉంది. అయితే ఈ మధ్యకాలంలో వారికీ ట్రాఫిక్‌ సమస్యలు తలెత్తుతున్నాయి. సరైన పార్కింగ్‌ ప్లేస్‌ కోసం 15 నుంచి 20 నిమిషాల డ్రైవ్‌ తప్పడంలేదని వాహణదారులు ఆవేదన వ్యక్తం చేస్తున్నారు. ప్రతిసారీ పార్కింగ్‌ కోసం నరకం చూడాల్సి వస్తుందని, ఇంతకు ముందు ఈ పరిస్థితి లేదని వాహనదారులు వాపోయారు. చాలా సందర్భాల్లో పార్కింగ్‌ స్పేస్‌ని అద్దెకు తీసుకోవాల్సి వచ్చినప్పుడు అధికంగా ధరల్ని భరించాల్సి ఉంటుందని వారు చెప్పారు. ఈ కారణంగా గొడవలు కూడా తలెత్తుతున్నాయన్నారు. ఏడాదికి పార్కింగ్‌ రెంట్‌ 6,000 దిర్హామ్‌లుగా నిర్ణయించారని, ఇది తాము భరించలేకపోతున్నామని అలెక్స్‌ అనే వాహనదారుడు చెప్పాడు. 500పైగా కార్లు బయటే నిలపాల్సి ఉంటోందనీ, వేసవి కాలంలో తమ కారు వద్దకు చేరుకోవడానికి తీవ్ర ఇబ్బందులు పడాల్సి వస్తోందన్నారు వాహనదారులు. టెకామ్‌ డెవలపర్స్‌ ప్రతినిథులు మాట్లాడుతూ, దుబాయ్‌ మునిసిపాలిటీ హెచ్చరికల్ని తాము పరిగనణలోకి తీసుకోవాల్సి వచ్చిందనీ, అందుకే బారియర్స్‌ని ఏర్పాటు చేశామని అన్నారు.