గత మంగళవారం నందమూరి హీరో కల్యాణ్‌రామ్ పుట్టినరోజు జరిగింది. కల్యాణ్ రామ్ బర్త్‌డే సందర్భంగా అతని కొత్త చిత్రం ఇజం ఫస్ట్ లుక్ రిలీజ్ చేసిన సంగతి తెలిసిందే. అయితే ఈ బర్త్‌డే పార్టీ ఇచ్చింది ఎవరో కాదు జూనియర్ ఎన్టీఆర్. కల్యాణ్ రామ్‌కు తెలియకుండా ఎన్టీఆర్ సర్‌ప్రైజ్ పార్టీ ఇచ్చాడట. ఈ పార్టీకి జనతా గ్యారేజ్ యూనిట్ హాజరయినట్లు సమాచారం. పూరీ జగన్నాథ్‌ను కూడా ఎన్టీఆర్ ఆహ్వానించాడు. ఇలా కల్యాణ్ రామ్ పుట్టినరోజుకు జూనియర్ పార్టీ ఇవ్వడం ఇదే తొలిసారి కావడం విశేషం. ఏదేమైనా అన్నదమ్ముల మధ్య ఉన్న సాన్నిహిత్యాన్ని మరోసారి జూనియర్ నిరూపించాడని నందమూరి అభిమానులు సంబరపడుతున్నారు.