యూఏఈ:యూఏఈలో వర్కింగ్ వీసా రద్దు అయిన తర్వాత 30 రోజులలోపు దేశం విడిచి వెళ్లాల్సి ఉంటుంది. అలాంటి సందర్భాల్లో మరో ఉద్యోగం వెతకడంతోపాటు తన బ్యాంకు ఖాతాను ఉపయోగించడం కొనసాగించవచ్చా?. దీనికి నిపుణులు సమాధానం చెబుతూ..  యూఏఈలో అమల్లో ఉన్న నిబంధనల ఆధారంగా, నివాస వీసా రద్దు చేయడం వలన బ్యాంకు ఖాతాను మూసివేయబడదు. అకౌంట్ ను రెగ్యులర్ గా వాడుతుంటే ప్రీజ్ అయ్యే అవకాశం కూడా ఉండదని తెలిపారు.

“కస్టమర్ చిరునామా తెలిసినట్లయితే లేదా కస్టమర్ అక్కడ ఉండి బ్యాంకులో ఇతర యాక్టివ్ ఖాతాలను కలిగి ఉంటే తెరిచిన ఖాతాలలో ఏదీ 'డోర్మాంట్'గా పరిగణించబడదు. ఈ విషయంలో సెంట్రల్ బ్యాంక్ జారీ చేసిన ఈ నిబంధనల నిబంధనలకు అనుగుణంగా మాత్రమే ఖాతాలను డోర్మాంట్ ఖాతాగా వర్గీకరిస్తారు.” అని నిపుణులు తెలిపారు.

డోర్మాంట్ ఖాతాలపై యూఏఈ సెంట్రల్ బ్యాంక్ సర్క్యులర్ నంబర్ 1/2020 (జనవరి 15, 2020 తేదీ) ప్రకారం.. యూఏఈలో ఒక వ్యక్తి బ్యాంక్ ఖాతాను 'డోర్మాంట్ ఖాతా'గా ప్రకటించవచ్చు. మూడు సంవత్సరాలుగా ఆర్థిక లేదా ఆర్థికేతర కార్యకలాపాలు నిర్వహించకపోతే , ఖాతాదారుడి నుండి ఎటువంటి సమాచారం లేకపోతే మాత్రమే ఖాతాను డోర్మాంట్ ఖాతాగా నిర్ధారిస్తారు.   

అందువల్ల, యూఏఈలోని ప్రామాణిక బ్యాంకింగ్ పద్ధతులు, పేర్కొన్న చట్టపరమైన నిబంధనల ఆధారంగా,  వీసా రద్దు చేయబడిన తర్వాత కూడా తన బ్యాంక్ ఖాతాను యాక్టివ్‌గా ఉంచుకుని బ్యాంకుతో కమ్యూనికేషన్‌ను కొనసాగిస్తున్నంత వరకు బ్యాంక్ ఖాతాను ఉపయోగించడం కొనసాగించవచ్చు.

అయితే, నివాస స్థితిలో మార్పు కారణంగా, ఖాతాను నాన్-రెసిడెంట్ ఖాతాగా వర్గీకరించవచ్చు.  ఇది వేర్వేరు నిబంధనలు, షరతులు లేదా అవసరాలకు లోబడి ఉండవచ్చు. దీని వలన ఖాతాను వెంటనే స్తంభింపజేయడం లేదా మూసివేయడం తప్పనిసరి కాదు. అదే సమయంలో ఉద్యోగాన్ని కోల్పోయామని, కొత్త వర్కింగ్ వీసాపై యూఏఈకి తిరిగి వస్తామని  బ్యాంకుకు సమాచారం అందించడం మంచిందని నిపుణులు సూచిస్తున్నారు.