దోహా: న్యాయమైన, పోటీతత్వ వ్యాపార వాతావరణం మార్గదర్శకాలను ఖతార్ వాణిజ్య మరియు పరిశ్రమల మంత్రిత్వ శాఖ (MoCI) వెల్లడించింది. పోటీ రక్షణ చట్టానికి కట్టుబడి ఉండాలని, మార్కెట్‌ను పరిమితం చేసే ఏవైనా పద్ధతులకు పాల్పడవద్దని హెచ్చరించింది.  ఈ మేరకు మంత్రిత్వ శాఖ  తన X ప్లాట్‌ఫామ్‌లో ఒక పోస్ట్‌ పెట్టింది. “న్యాయమైన వ్యాపార వాతావరణాన్ని నిర్ధారించడానికి, పోటీకి హాని కలిగించే లేదా మార్కెట్ స్వేచ్ఛను పరిమితం చేసే పద్ధతులు నిషేధించబడ్డాయి. ఉల్లంఘనలకు పాల్పడితే ఆయా ఉత్పత్తిని నిలిపివేయడం; ధరల తారుమారు; ఉత్పత్తి, పంపిణీ లేదా మార్కెటింగ్ కార్యకలాపాలపై పరిమితులు విధించడం; ఏదైనా సంస్థ మార్కెట్‌లోకి ప్రవేశించకుండా లేదా నిష్క్రమించకుండా చట్టవిరుద్ధంగా నిరోధించడం వంటి చర్యలు తీసుకుంటారు.” అని వెల్లడిచింది.

పోటీదారులను ప్రభావితం చేయడానికి మార్కెట్లో ఆకస్మిక మిగులును సృష్టించడం; పోటీదారుల మధ్య మార్కెట్లను విభజించడం;  మార్కెట్‌ను ప్రభావితం చేయడానికి టెండర్లు మరియు బిడ్‌లలో పోటీదారుల మధ్య అవగాహన వంటి కార్యాకలాపాలకు పాల్పడితే తీవ్రంగా పరిగణిస్తామని హెచ్చరించారు. ఇలాంటి చర్యలను నివేదించాలని మంత్రిత్వ శాఖ కోరింది.