కువైట్: కువైట్ వాతావరణ శాఖ సోమవారం వాతావరణ హెచ్చరిక జారీ చేసింది. అక్కడక్కడ వర్షాలు కురుస్తాయని, వీటిలో కొన్ని ఉరుములు మెరుపులతో కూడిన వర్షాలు ఉంటాయని, ముఖ్యంగా బహిరంగ ప్రదేశాలలో దుమ్ము తుఫానులు వచ్చే అవకాశం ఉందని, దాంతో లో విజిబిలిటీ ఉంటుందని హెచ్చరించింది. సముద్రపు అలలు కూడా ఎక్కువగా వచ్చే అవకాశం ఉందని తెలిపింది. ఈ వాతావరణ మార్పు అనేది 'సయారత్' కాలం అని పిలువబడే కాలానుగుణ పరివర్తనలో భాగమని యాక్టింగ్ డైరెక్టర్ ధెరార్ అల్-అలీ వివరించారు. రాబోయే రెండు రోజులు ఇలాంటి  అస్థిర వాతావరణం కొనసాగుతుందని భావిస్తున్నారు. డిపార్ట్‌మెంట్ అధికారిక వెబ్‌సైట్, మొబైల్ యాప్, సోషల్ మీడియా ఛానెల్‌ల ద్వారా ప్రజలు తాజా అలెర్టులను తెలుసుకోవాలని సూచించారు.