యూఏఈ: ఈ సంవత్సరం యూఏఈలో వర్షపాతం గణనీయంగా తగ్గింది.రెండు దశాబ్దాలలో ఎన్నడూ లేనంతగా ఉష్ణోగ్రతలు నమోదవుతున్నాయి.మరోవైపు వర్షపాతాన్నిపెంచడానికి  క్లౌడ్ సీడింగ్ కార్యక్రమాన్ని కొనసాగిస్తున్నట్లు నేషనల్ సెంటర్ ఆఫ్ మెటియోరాలజీ (NCM)లోని వాతావరణ శాస్త్ర నిపుణుడు అహ్మద్ ఎల్ కమాలి తెలిపారు. 

“ప్రపంచవ్యాప్తంగా, లా నినా అనే వాతావరణ పరిస్థితి మనల్ని ప్రభావితం చేస్తోంది. ఇది మధ్య , తూర్పు భూమధ్యరేఖ పసిఫిక్‌లోని సముద్ర ఉపరితల ఉష్ణోగ్రతలను గణనీయంగా చల్లబరుస్తుంది. దాంతో గాలులలో మార్పులు, వాయు పీడనం, వర్షపాతం వంటి ఉష్ణమండల వాతావరణ ప్రసరణలో మార్పులు వస్తున్నాయి. గత సంవత్సరంతో పోలిస్తే మనకు చాలా తక్కువ వర్షపాతం ఎందుకు వస్తుందో ఇది వివరిస్తుంది. ”అని ఆయన అన్నారు.   “వర్షపాతాన్ని పెంచే సిడ్నీ మేఘాలు మన దగ్గర ఉన్నంత వరకు, వాటి నుండి గరిష్ట వర్షపాతం పొందడానికి మేము ప్రయత్నిస్తాము” అని ఎల్ కమాలి వివరించారు. 2025లో ఇప్పటివరకు 110 క్లౌడ్ సీడింగ్ మిషన్‌లను నిర్వహించినట్లు తెలిపారు.  2024లో388 క్లౌడ్ సీడింగ్ ఆపరేషన్లను నిర్వహించినట్టు పేర్కొన్నారు.   

2021 నుండి వచ్చిన డేటా ప్రకారం, క్లౌడ్ సీడింగ్ అనుకూలమైన పరిస్థితులలో 25 శాతం వరకు వర్షపాతాన్ని పెంచుతుందని, ఇతర వాతావరణాలలో 15 శాతం వరకు ఉంటుందని తెలిపారు. సీడింగ్ చేయగల మేఘాలలో ఎక్కువ భాగం డిసెంబర్ నుండి మార్చి వరకు శీతాకాలంలో ఉంటాయన్నారు.  వేసవిలో ఈ మిషన్ జూన్ నుండి సెప్టెంబర్ వరకు జరుగుతుందన్నారు.   

NCMలోని మరొక వాతావరణ శాస్త్రవేత్త డాక్టర్ అహ్మద్ హబీబ్ మాట్లాడూతూ.. కొన్ని రోజుల క్రితం యూఏఈ 24 సంవత్సరాలలో అత్యధిక ఏప్రిల్ ఉష్ణోగ్రతను నమోదు చేసిందని తెలిపారు. "ఈ సంవత్సరం ఏప్రిల్ 26న, మేము 46.6°C నమోదు చేసాము. రెండు దశాబ్దాలలో ఈ నెలలో ఇది అత్యధికం" అని ఆయన అన్నారు. అరేబియా ఎడారి నుండి విస్తరించి ఉన్న ఉష్ణ అల్ప పీడన వ్యవస్థ వేడికి కారణమని హబీబ్ అన్నారు. రాబోయే వారాల్లో పగటిపూట గరిష్టంగా 46 నుండి 47°C వరకు ఉష్ణోగ్రతలు కొనసాగవచ్చని ఆయన తెలిపారు.