ఇషా అగర్వాల్‌, జ్యోతిరెడ్డి, సుమి, ప్రియాంక తదితరులు ప్రధాన పాత్రల్లో రూపుదిద్దుకోనున్న చిత్రం 'లవర్స్‌ పార్క్‌'. ఈ చిత్రం ప్రారంభోత్సవ కార్యక్రమాన్ని శుక్రవారం అన్నపూర్ణ స్టూడియోలో నిర్వహించారు. నటి కవిత క్లాప్‌ కొట్టగా, హేమలతారెడ్డి కెమెరా స్విచ్చాన్‌ చేశారు. నలుగురు అమ్మాయిలు, నలుగురు అబ్బాయిలు నటిస్తున్న రొమాంటిక్‌ ఎంటర్‌టైన్‌మెంట్‌ ఇది. వాట్స్‌యాప్‌, సామాజిక మాధ్యమాలు ఉపయోగించి యువత ఎలా తయారైందన్న కథాంశంతో దర్శకుడు విజయ్‌రెడ్డి ఈ చిత్రాన్ని తెరకెక్కిస్తున్నారు. ఈ నెల 15 నుంచి చిత్రం షూటింగ్‌ జరగనుంది.