జూనియర్ ఎన్టీఆర్ హీరోగా, సమంత, నిత్యామీనన్ హీరోయిన్లుగా నటిస్తున్న జనతా గ్యారేజ్ చిత్రం ఆడియో విడుదలకు ముహుర్తం ఖరారైంది. ఈ నెల 22న జనతా గ్యారేజ్ ఆడియో వేడుకకు ఏర్పాట్లు చురుగ్గా కొనసాగుతున్నాయి. శిల్పాకళా వేదికగా ఆడియో విడుదలకు చిత్ర బృందం ఏర్పాట్లు చేస్తోంది. కొరటాల శివ దర్శకత్వంలో తెరకెక్కుతున్న ఈ చిత్రం ఫస్ట్ లుక్ ఇటీవలే విడుదలైంది. ఫస్ట్ లుక్‌కు యంగ్ టైగర్ అభిమానులు ఫిదా అయిపోయారు. రెండు రోజుల క్రితం విడుదలైన జనతా గ్యారేజ్ టీజర్ యూట్యూబ్‌లో సంచలనం సృష్టిస్తోంది.