సునీల్‌, మన్నారా చోప్రా జంటగా రూపుదిద్దుకున్న 'జక్కన్న' చిత్రాన్ని ఈ నెల 22న ప్రేక్షకుల ముందుకు తీసుకువస్తున్నారు. హీరో సునీల్‌ తన ట్విట్టర్‌ ఖాతా ద్వారా ఈ విషయాన్ని తెలిపారు. అందరికీ వినోదం పంచడం కోసం జులై 22న వస్తున్నట్లు ట్వీట్‌ చేశారు. వంశీకృష్ణ ఆకెళ్ల దర్శకత్వం వహించిన ఈ చిత్రానికి దినేష్‌ సంగీతం సమకూర్చారు. ఆర్‌. సుదర్శన్‌రెడ్డి నిర్మాతగా వ్యవహరిస్తున్న ఈ చిత్రానికి సి. రామ్‌ప్రసాద్‌ సినిమాటోగ్రఫీ అందించారు. ఎందుకూ పనికిరాడు అనిపించుకున్న ఓ యువకుడు తనని తాను శిల్పంలా తీర్చిదిద్దుకొన్న వైనం ఎలాంటిదనే కథతో ఈ చిత్రాన్ని రూపొందించినట్లు ఇటీవల నిర్మాత తెలిపారు.