రియాద్: సౌదీ అరేబియాలోని వివిధ ప్రాంతాలలో మంగళవారం వరకు భారీ వర్షాలు, వరదలు సంభవించే అవకాశం ఉందని జనరల్ డైరెక్టరేట్ ఆఫ్ సివిల్ డిఫెన్స్ హెచ్చరిక జారీ చేసింది. ప్రజలు అవసరమైన జాగ్రత్తలు తీసుకోవాలని, వరదలకు గురయ్యే ప్రాంతాలకు దూరంగా ఉండాలని, వివిధ మీడియా సంస్థల ద్వారా షేర్ చేసిన భద్రతా మార్గదర్శకాలను పాటించాలని సూచించారు.

మక్కా ప్రాంతంలో ఒక మోస్తరు నుండి భారీ వర్షాలు, వడగళ్ళు, బలమైన గాలులు కురిసే అవకాశం ఉందని తెలిపింది. రియాద్ ప్రాంతంలో ఒక మోస్తరు నుండి భారీ వర్షాలు కురుస్తాయని అంచనా వేయగా.. మదీనా, హైల్, ఖాసిమ్, నార్తర్న్ బోర్డర్స్, తూర్పు ప్రావిన్స్, అల్-బహా, అసిర్, జాజాన్ వంటి ఇతర ప్రాంతాలలో భారీ వర్షాలు పడే అవకాశం ఉంది. ఉత్తర నజ్రాన్ ప్రాంతంలో తేలికపాటి వర్షాలు కురుస్తాయని డైరెక్టరేట్ ఒక ప్రకటనలో తెలిపింది.