మస్కట్: ఐక్యరాజ్యసమితి గణాంక కమిషన్ గుర్తించిన స్వతంత్ర సంస్థ అయిన ఓపెన్ డేటా అబ్జర్వేటరీ జారీ చేసిన నివేదికలో ఒమన్ సుల్తానేట్ పశ్చిమాసియాలో అగ్రస్థానాన్ని దక్కించుకుంది. ఓపెన్ డేటా రంగంలో ప్రపంచవ్యాప్తంగా తొమ్మిదవ స్థానంలో ఉంది. 2022తో పోలిస్తే 2024లో పది స్థానాలు మెరుగుపరుచుకుని, ఒమన్ గణనీయమైన పురోగతిని సాధించిందని ఈ నివేదిక హైలైట్ చేసింది. 2022లో 195 దేశాలలో 19వ స్థానంలో ఉన్న ఒమన్, 2024లో 84 పాయింట్లను సాధించింది.

డేటా ఓపెన్‌నెస్‌లో ఒమన్ కూడా ప్రపంచవ్యాప్తంగా మూడవ స్థానంలో ఉంది. 2024 ఓపెన్ డేటా ఇన్వెంటరీ రిపోర్ట్ మూడు కీలక రంగాలలో ఒమన్  ఓపెన్ డేటాను అంచనా వేసింది. అవి సామాజిక, ఆర్థిక, పర్యావరణం. మొత్తం 22 అంశాలను కవర్ చేసింది. జనాభా, కీలక గణాంకాలు, ఆరోగ్య సంరక్షణ మౌలిక సదుపాయాలు, విదేశీ వాణిజ్యం, ద్రవ్య, బ్యాంకింగ్ డేటా, మెషిన్-రీడబుల్ డేటా ఫార్మాట్‌లు, యాజమాన్యేతర ఫార్మాట్‌లు, ఓపెన్ లైసెన్స్‌ల వంటి ఓపెన్‌నెస్ సూచికలలో 100 పాయింట్ల పరిపూర్ణ స్కోరుతో ఈ నివేదిక అనేక గణాంక డొమైన్‌లలో ఒమన్ మెరుగైన పనితీరును ప్రదర్శించిందని నివేదికలో పేర్కొన్నారు.

ఒమన్ ఆర్థిక గణాంకాల కవరేజ్ గణనీయంగా మెరుగుపడింది. 2022లో 65 పాయింట్ల నుండి 2024లో 77 పాయింట్లకు పెరిగింది. ద్రవ్య ,  బ్యాంకింగ్ డేటాబేస్‌లు, విదేశీ వాణిజ్యం మరియు చెల్లింపుల బ్యాలెన్స్‌లో మెరుగుదలల ద్వారా ఈ పురోగతి సాధించింది. ఇవన్నీ కవరేజ్‌లో 100 పాయింట్లు సాధించాయి. ధర సూచికలు కూడా 50 నుండి 88 పాయింట్లకు గణనీయమైన పెరుగుదలను చూశాయి.