పెరుగుతున్న ఉష్ణోగ్రతలతో వాహనదారులకు టైర్ల రూపంలో ప్రమాదాలు పొంచి ఉన్నాయని నిపుణులు హెచ్చరిస్తున్నారు. రెండు రోజుల్లోనే సల్వా రోడ్‌పై వరుసగా రెండు ప్రమాదాలు టైర్లు పేలడంతో సంభవించాయి. ఖతార్‌లో నిబంధనల ప్రకారం రెండేళ్ళ కాలానికి టైర్ల లైఫ్‌ ముగుస్తుంది. లైఫ్‌ ముగిసిన తర్వాత కేవలం ఒక్క సంవత్సరానికి మాత్రమే ఉపయోగించడానికి వీలుంటుంది. సేఫ్టీ విషయంలో వాహనదారులు ఏమాత్రం అజాగ్రత్త పాటించడానికి వీల్లేదు. తక్కువ ఖరీదు టైర్లు 200 ఖతారీ రియాల్స్‌లో దొరుకుతాయి. అదే మంచి టైర్‌ కొనాలంటే మాత్రం 400 ఖతారీ రియాల్స్‌ వెచ్చించాల్సిందే. ప్రాణాలతో పోల్చితే ఈ ఖర్చు ఎక్కువేమీ కాదు. ఎండ వేడిమికి టైర్లలోని పీడనం పెరిగి, టైర్లు పేలిపోయేందుకు అవకాశాలెక్కువ. అందుకే వాహనాన్ని బయటకు తీసేటప్పుడు విధిగా టైర్లను పరిశీలించాలి, అందులో ఎయిర్‌ కండిషన్‌ని చూసుకోవాలి. కార్లు వంటి వాహనాలే కాకుండా ద్విచక్ర వాహనాలూ ఈ విషయంలో అప్రమత్తంగా ఉండాలి.