కువైట్: రాగల మూడు రోజులపాటు దేశవ్యాప్తంగా బలమైన గాలులు వీస్తాయని కువైట్ వాతావరణ శాఖ తెలిపింది.  వాతావరణ శాఖ తాత్కాలిక డైరెక్టర్ ధరర్ అల్-అలీ మాట్లాడుతూ.. బుధవారం ఉదయం నుండి బలమైన గాలులు ప్రారంభమవుతాయని తెలిపారు. పగటిపూట గాలి వేగం గంటకు 55 కి.మీ కంటే ఎక్కువగా ఉంటుందని, ముఖ్యంగా ఎడారి ప్రాంతాలలో హారిజంటల్ లో విజిబిలిటీ భారీగా తగ్గే అవకాశం ఉంటుందని వెల్లడించారు.  కాగా, రాత్రి సమయంలో గాలి తీవ్రత కొద్దిగా తగ్గుతుందని,  కొన్ని ప్రాంతాలలో గాలులు గంటకు 40 కి.మీ వరకు చేరుకోవచ్చని అల్-అలీ తెలిపారు. వాహనదారులు జాగ్రత్తగా ఉండాలని ఆయన సూచించారు.  సముద్రపు అలలు ఆరు అడుగులకు మించి ఉండవచ్చని  హెచ్చరించారు.