విక్టరి వెంకటేశ్‌, నయనతార జంటగా మారుతి దర్శకత్వంలో తెరకెక్కుతున్న చిత్రం 'బాబు బంగారం'. ఒక్క సాంగ్ మినహా షూటింగ్ అంతా పూర్తి చేసుకున్న ఈ చిత్రం త్వరలోనే థియేటర్లలోకి రానుంది. జూలై 9న మూవీకి సంబంధించి సింగిల్ ట్రాక్ ని విడుదల చేస్తామన్న చిత్ర యూనిట్, తాజాగా మల్లెల వానలా అంటూ సాగే ట్రాక్ ని విడుదల చేసింది. ఇక గిబ్రాన్ అందించిన ఆడియోను ఈ నెలాఖరులో విడుదలచేసే ఆలోచనలో ఉన్నట్టు సమాచారం. కబాలి మూవీ రిలీజ్ ని బట్టి బాబు బంగారం చిత్ర రిలీజ్ ఉంటుందని ఫిలిం నగర్ టాక్. బాబు బంగారం చిత్రంలో ఏసీపీ కృష్ణగా వెంకటేష్ అలరించనున్నాడు. షావుకారు జానకి, బ్రహ్మానందం, పోసాని కృష్ణ మురళి, పృథ్వీ, జయప్రకాశ్‌, రఘుబాబు, బ్రహ్మాజి, సంపత్‌, మురళి శర్మ, వెన్నెల కిషోర్‌, మున్నావేణు, గిరిధర్‌, అనంత్‌, రాజా రవీంద్ర తదితరులు ఈ చిత్రంలో ప్రధాన పాత్రల్లో నటిస్తున్నారు. మరి తాజాగా విడుదలైన ఆ సింగిల్ ట్రాక్ పై మీరు ఓ లుక్కేయండి.