మనామా: బిలియనీర్ ఎలోన్ మస్క్ కు చెందిన ఏరోస్పేస్ కంపెనీ స్పేస్‌ఎక్స్ యాజమాన్యంలోని శాటిలైట్ ఇంటర్నెట్ సర్వీస్ స్టార్‌లింక్.. బహ్రెయిన్ రాజ్యంలో అధికారికంగా తన కార్యకలాపాలను ప్రారంభించింది. ప్రాంతీయ డిజిటల్ కనెక్టివిటీలో ఒక పెద్ద ముందడుగుగా భావిస్తున్నారు.ఈ మేరకు ట్విట్టర్ ఖాతా ద్వారా వెల్లడించారు.

2022లో బహ్రెయిన్ టెలికమ్యూనికేషన్స్ రెగ్యులేటరీ అథారిటీ (TRA) ద్వారా స్టార్‌లింక్‌కు లైసెన్స్ మంజూరు చేశారు.   “అభివృద్ధికి మద్దతు ఇచ్చే ప్రభుత్వ, ప్రైవేట్ రంగాల ఆకాంక్షలను తీర్చే అధునాతన కమ్యూనికేషన్ పరిష్కారాలను అందించడంలో మా నిబద్ధతను బలోపేతం చేస్తుంది.” అని TRA డైరెక్టర్ జనరల్ ఫిలిప్ మార్నిక్ అన్నారు.

 స్టార్‌లింక్ అత్యాధునిక సేవ తక్కువ-భూమి కక్ష్య (LEO) ఉపగ్రహాల విస్తారమైన నెట్‌వర్క్ ద్వారా అందించబడుతుంది. ఇది అంతరాయం లేకుండా నిరాంతరాయంగా ప్రపంచ కవరేజీని అందిస్తుంది. ఈ సాంకేతికత సాంప్రదాయ ఫైబర్ ఆప్టిక్స్‌కు పోటీగా హై-స్పీడ్ ఇంటర్నెట్‌ను అందిస్తుంది. ఇళ్ళు, కార్యాలయాలకు మాత్రమే కాకుండా సముద్ర, విమానయాన పరిశ్రమలతో సహా మొబైల్ రంగాలకు కూడా ఉపయోగపడుతుంది.

బహ్రెయిన్‌లో స్టార్ లింక్ సర్వీస్ రాక రాజ్యం డిజిటల్ పరివర్తనను వేగవంతం చేస్తుందని, గల్ఫ్ ప్రాంతంలో ప్రముఖ సాంకేతిక కేంద్రంగా దాని స్థానాన్ని బలోపేతం చేస్తుందని భావిస్తున్నారు.