మస్కట్: ఒమన్ సుల్తానేట్‌లోని అత్యంత ఎత్తైన జెండాను మే 23న ప్రారంభించనున్నారు. ఈ మేరకు మస్కట్ మునిసిపాలిటీ ప్రకటించింది. మినిస్ట్రీస్ జిల్లాలోని అల్ ఖువైర్ స్క్వేర్‌లో 18వేల చదరపు మీటర్ల కంటే ఎక్కువ విస్తీర్ణంలో.. 126 మీటర్ల ఎత్తుతో అత్యంత ఎత్తైన జెండా స్తంభంగా గుర్తింపు పొందనుంది. 

జెండా స్తంభాన్ని రూపొందించడానికి 135 టన్నుల ఉక్కును ఉపయోగించారు. బేస్ వద్ద ఉన్న జెండా స్తంభం బయటి వ్యాసం 2,800 మిమీ.  ఒమన్ జెండా 18 మీటర్ల పొడవుతో,  31.5 మీటర్ల వెడల్పు ఉంటుంది. జెండా స్తంభంలో విమాన హెచ్చరిక లైటింగ్ వ్యవస్థను కూడా అమర్చనున్నారు.