దోహా, ఖతార్: పర్యావరణ, వాతావరణ మార్పుల మంత్రిత్వ శాఖ (MECC) ఇటీవల అరుదైన సముద్ర ఆవిష్కరణలను నమోదు చేసింది.  సముద్ర జీవవైవిధ్యాన్ని పరిరక్షించడంలో..దాని పర్యావరణ వ్యవస్థలను పెంచడంలో ఖతార్ నిబద్ధతను హైలైట్ చేసింది. ఈ ఆవిష్కరణలు , అమలు చర్యలు ఖతార్ బలమైన పర్యావరణ వ్యూహం, సముద్ర పరిరక్షణకు దోహదం చేస్తాయని పేర్కొన్నారు. రాబోయే తరాలకు స్థిరమైన భవిష్యత్తునుఅందిస్తాయని పేర్కొన్నారు. 

ఖతార్ జలాల్లో మచ్చల గిటార్ ఫిష్ ఉనికిని MECC ఇటీవల నమోదు వెల్లడించింది. ఇది దాదాపు ముప్పు పొంచి ఉన్న అరుదైన సముద్ర జాతిగా వర్గీకరించారు.  వన్యప్రాణుల అభివృద్ధి శాఖకు చెందిన శాస్త్రీయ బృందం ఈ ఆవిష్కరణ చేసింది. ఖతార్ జలాల్లోని గొప్ప సముద్ర జీవవైవిధ్యానికి సూచికగా పనిచేస్తుంది. సముద్ర పర్యావరణాన్ని రక్షించడానికి, జీవ వైవిధ్యాన్ని పరిరక్షించడానికి మంత్రిత్వ శాఖ చేస్తున్న ప్రయత్నాలను కూడా ఇది హైలైట్ చేస్తుందన్నారు.

మార్చి 2025లో ఒక శాస్త్రీయ బృందం ఉత్తర ఖతారీ జలాల్లో హిందూ మహాసముద్ర హంప్‌బ్యాక్ డాల్ఫిన్‌ల సమూహాన్ని కూడా నమోదు చేసింది.  ఈ డాల్ఫిన్‌లను అంతరించిపోతున్న జాబితాతో ఉన్నాయి. ఈ ఆవిష్కరణ సముద్ర పర్యవేక్షణ ప్రయత్నాలలో కీలకమైన మైలురాయిగా పేర్కొన్నారు. 

ఫిబ్రవరి ప్రారంభంలో కొత్తగా నియమించిన ఉమ్ అల్ షిఫ్ మెరైన్ ప్రొటెక్టెడ్ ఏరియాలో సీ ఫెదర్ జాతికి చెందిన పగడపు కొత్త జాతిని కనుగొన్నట్లు మంత్రిత్వ శాఖ ప్రకటించింది. 20 మీటర్ల లోతులో గుర్తించిన ఈ పగడపు పగటిపూట ఇసుకలో ఉంటుంది. ఇది మరింత అస్పష్టమైన, అరుదైన సముద్ర జాతులలో ఒకటిగా మారింది.

జనవరిలో పగడపు దిబ్బల ఆరోగ్యానికి పర్యావరణపరంగా ముఖ్యమైన జాతి అయిన బ్లూ-టెయిల్డ్ బాక్స్‌ఫిష్‌ను మంత్రిత్వ శాఖ డాక్యుమెంట్ చేసింది. ప్రస్తుతం అంతరించిపోతున్న జాబితాలో చేర్చారు. పగడపు ఆవాసాల నిరంతర రక్షణ, దాని దీర్ఘకాలిక మనుగడకు మద్దతు ఇవ్వడానికి స్థిరమైన ఫిషింగ్ పద్ధతులను అవలంబించాల్సిన అవసరాన్ని మంత్రిత్వ శాఖ తెలియజేసింది.